Ubuntu မိတ်ဆက်

Ubuntu ဟာ Linux Distro တွေထဲမှာ လူသုံးအများဆုံးဖြစ်တဲ့ Debian ကို အခြေခံထားပြီး Desktop နဲ့ Server ဆိုပြီး ၂ မျိူးထွက်ပါတယ်။ Ubuntu ဆိုတာ အာဖရိက ဘာသာစကားဖြစ်ပြီး ဥဘူးတု(Oo-Bon-Tuu) လို့ အသံထွက်ပြီး တစ်ဦးနှင့် တစ်ဦးစာနာမှု၊ လူသားဆန်မှုလို့ အဓိပ္ပါယ်ရပါတယ်။ Ubuntu ကို 2004 October မှာ Canonical Ltd က စတင်ဖြန့်ချီခဲ့ပါတယ်။ Ubuntu ဟာ Open Source ဖြစ်ပြီး အခမဲ့အသုံးပြုခွင့် ပေးထားပါတယ်။ Ubuntu ကို ၄လပိုင်း မှာ တစ်ကြိမ် ၁၀လပိုင်း မှာ တစ်ကြိမ်၊ တစ်နှစ် မှာ နှစ်ကြိမ် ထုတ်ဝေပါတယ်။ Version တစ်ခုကို ကိုးလ အခမဲ့ထောက်ပံ့ပေးထားပြီး LTS(Long Term Support) ကို ၂ နှစ်မှာ တစ်ကြိမ် ထုတ်ပါတယ်။ Desktop အတွက် ၃နှစ်ထောက်ပ့ံပေးပြီး Sever အတွက် ၅နှစ် ထောက်ပံ့ပေးပါတယ်။ အသစ်အသစ်တွေကို ကြိုက်ရင် ခြောက်လ တစ်ကြိမ် Update နိုင်ပြီး stable ဖြစ်တာကြိုက်ရင်တော့ ၂ နှစ် တစ်ကြိမ် Update လုပ်နိုင်မှာပါ။ Ubuntu version တွေ ကို code တွေနဲ့ သတ်မှတ်လေ့ရှိပါတယ်။ ၂၀၁၅ ၁၀လ ပိုင်းမှာ ထွက်တဲ့ version ကို 15.10 လို့ခေါ်ပြီး Wily Werewolf လို့ နာမည်ပေးပါတယ်။ ၂၀၁၆ ၄လ ပိုင်းမှာ ထွက်တဲ့ version ကို 16.04 LTS Xenial Xerus လို့ခေါ်ပါတယ်။ နောက်ထွက်မယ့် 16.10 ကို Yakkety Yak လို့ နာမည်ပေးထားပါတယ်

ubuntu-logo14

Ubuntu Installation

Ubuntu တင်မယ့် ကွန်ပျူတာမှာ 700MHz နှင့်အထက် CPU၊၊ RAM 512MB နဲ့ Storage 5GB ရှိရပါမယ်။ Software တွေ install ဖို့ System Update လုပ်ဖို့ အတွက် အင်တာနက်လိုပါမယ်။ Ubuntu မှာ 32bit(i386) နဲ့ 64bit(amd64) ဆိုပြီး ၂မျိူးရှိပါတယ်။ 32bit က Ram 4GB အထိသာ လက်ခံတဲ့အတွက် တင်မယ့် ကွန်ပျူတာက RAM 4GB နှင့် အထက်ဆို 64bit ကို ရွှေးချယ် သင့်ပါတယ်။ Ubuntu 16.04LTS ကို ဒီမှာ ရယူနိုင်ပါတယ်။ နီးစပ်ရာ အခွေဆိုင်တွေမှာလဲ ဝယ်လို့ရပါတယ်။ အခွေရှိပြီးသူများ အဆင့်၁ ကို ကျော်သွားပါ။

. Ubuntu install လုပ်ရန်ပြင်ဆင်ခြင်း

Ubuntu ကို install လုပ်ဖို့ DVD အလွတ်တစ်ချပ် သို့ USB Stick တစ်ခုလိုပါမယ်။

.Bootabel DVD

Ubuntu ကို DVD နဲ့တင်ဖို့ အတွက် bootable DVD ဖြစ်အောင် Burn ရပါမယ်။ အခွေအလွတ် ကို စက်ထဲထည့်ပါ။ Download ရယူထားတဲ့ iso ဖိုင်ကို Right Click ပြီး Burn Disc Image ကို ရွေးပေးပါ။ အခွေ Burn သွားပါမယ်။

 

.Bootable USB

Ubuntu ကို USB ကနေ တင်ဖို့ အတွက် Universal USB Installer ဆိုတဲ့ Software ကို ဒီမှာ ရယူပါ။ USB stick ကို စက်မှာတက်ပြီး Universal USB Installer ကို ဖွင့်ပါ။ drop down menu မှာ Ubuntu ကို ရွေးပြီး အောက်က အကွက်မှာ download ဆွဲထားတဲ့ iso ဖိုင်ကို ရွေးပေးပါ။ အောက်ဆုံးက Drop Down Menu မှာ USB ကိုရွေးရပြီး stick ကို format ချမယ်ဆို format usb stick မှာ အမှန်ခြစ်ပေးပါ။

 

 

၂. Installing Ubuntu

DVD သို့  stick ကို  စက်မှာတက်ပါ။ ပြီးရင် Boot Menu ကို ၀င်ရပါမယ်။ Boot Menu ကို ဝင်ဖို့ အတွက် ကွန်ပျူတာ စတက်တက်ချင်းမှာ F12 ကိုနှိပ်ပေးရပါမယ်။ တစ်ချိူ့ စက်တွေမှာ F2 နှိပ်ရပါတယ်။ Boot Menu ဝင်တဲ့ key က စက်တစ်လုံးနဲ့ တစ်လုံး မတူပါဘူး။ မိမိစက်ရဲ့ အမျိူးအစား မော်ဒယ် ပေါ်မူတည်ပြီး Google မှာ How to enter boot menu ဆိုပြီး ရှာကြည့်ပါ။ ကျွန်တော့ စက်မှာတော့ F12 ပါ။

rescatux_wizard_virtualbox_bios_press_F12

 

Boot Menu မှာ CD အတွက် C ကို ရွေးပေးပါ။ ကျွန်တော်က CD နဲ့ Live တက်ထားလို့ပါ USB နှင့် Live တက်သူများ USB ကို ရွေးပေးရပါမယ်။

boot2

 

ဒီလိုလေး Ubuntu Logo လေးတက်လာရင်ရပါပြီ။ တက်မလာရင် DVD (သို့) အခွေမှာ error ရှိနေလို့ပါ။

002

 

Try Ubuntu နဲ့ Install Ubuntu ဆိုပြီး ၂ မျိုးတွေ့ပါမယ်။ Try Ubuntu က Ubuntu ကို install မလုပ်ပဲ အစမ်းသုံးကြည့်ဖို့ပါ။  Install မလုပ်ပဲ အခွေပေါ်မှာ သုံးတာမို့ စွမ်းဆောင်ရည် အပြည့်မရပါဘူး။ အခု install လုပ်မှာမို့ install ကိုနှိပ်ပါ။003

 

အပေါ်က မှိန်နေတဲ့ စာကြောင်းက install လုပ်နေတုန်း update လုပ်မလားလို့မေးတာပါ။ ကျွန်တော်စက်မှာ internet connection မရှိတဲ့ အတွက် မှိန်နေတာပါ။ အမှန်ခြစ်ဖြုတ်ထားပါ နောက်မှ Update လုပ်လို့ရပါတယ်။ install လုပ်နေစဉ် Update လုပ်နေတဲ့ အတွက် အချိန်ကြာသွား နိုင်ပါတယ်။ အောက်တစ်ကြောင်းကတော့ အခြားပြင်ပ Software တွေပါ တစ်ခါထဲ install မလားလို့မေးတာပါ။ Install ချင်ရင် အမှန်ခြစ်ထားနိုင်ပါတယ်။

004

 

အပေါ်ဆုံးကြောင်းက Hardisk တစ်ခုလုံး ဖျက်ပြီး Ubuntu သီးသန့်တင်မလားလို့မေးတာပါ။ Hardisk ထဲမှာရှိတဲ့ OS တွေ Data တွေအကုန် ပျက်သွားပါမယ်။ စက်ထဲမှာ Windows တင်ထားတာရှိရင် Install Ubuntu Alongside With Windows ဆိုပြီးတစ် ကြောင်းအပိုပါပါ လိမ့်မယ်။ Windows နဲ့ Dual Boot တင်ချင်ရင်တော့ Alongside ကို ရွေးပေးရပါမယ်။ Windows နဲ့ Ubuntu Dual boot တင်မယ်ဆို Windows ကို အရင်တင်သင့်ပါတယ်။ Windows ကို နောက်မှတင်ရင် Windows က Ubuntuကို မသိတဲ့အတွက် Ubuntu ကို ၀င်လို့မရပါဘူး။နောက်ပြန်ပြင်လို့တော့ရပါတယ် နဲနဲတော့ အလုပ်ပိုတာပေါ့။ Partition ကို Manual ပိုင်းလိုရင်တော့ Something else ကိုရွေးပေးပါ။

005

 

မြေပုံပေါ်က မြန်မာနိုင်ငံပုံလေးကို ရွေးပေးပါ။

009

 

Keyboard Layout ကို Eng Us ပဲထားပါ။

010

 

နာမည် User name နဲ့ Password ဖြည့်ပါ။ User name ကို စာလုံးအသေးနဲ့ ရေးရပါမယ်။ Password မတောင်းပဲ တန်းဝင် စေချင်ရင် Login automatically ကို ရွေးထားနိုင်ပါတယ်။

011

 

အခုဆို install စလုပ်နေပါပြီ။

012

 

Install ပြီးရင် ဒီလိုပေါ်လာမှာပါ။ Ubuntu က Driver တွေပါပြီးသားဖြစ်တဲ့အတွက် သီးသန့် ထက်ပြီး install ဖို့မလိုပါဘူး။

013

Advertisements